أبو علاء

سطورمن صحافة يوم في نهايات عهد مبارك

asad — Fri, 2008/06/20 - 5:50pm

20 يونيو 2008

من البديل ، مصطفى الفقي : "هناك من يتحدث عن أم الرئيس ويقول إن اسمها نعيمة.. واللي يتكلم عن أمي هلعن اللي خلفوه"

وفي المصري اليوم خبر يتحدث عن قرارات " اللجنة العليا لترسيم الحدود بمنطقةدير أبوفانا بمركز ملوي -المنيا" .

و منها أيضا تصريح لمدير المرور يقول فيه "سنعرّف الناس بقانون المرور الجديد .. وما كنا معذّبين حتى نبعث رسولاً" .

......

تعليقاً على الحملة السكانية الجديدة النمطية التي تعاني من فرط العادية و وانعدام الإبداع حتى على مستوى الشعارات المستخدمة، كاريكاتير أشرف حمدي:

5 comments

الدور الدور الدور الدور .. موعودة يا اللي عليك الدور

asad — Fri, 2008/05/30 - 1:24pm

عمرك اتغلبت في لعبة وانت صغير ولما أصحابك ضحكوا عليك قلت : بمزاجي ! أنا اللي سبته يغلبني ؟

مصر أم الدنيا بتعمل كدة دلوقتي، بعد نجاح الوساطة القطرية في حل الأزمة اللبنانية والناس كلها واكله وش حسني أبو ريادة وعمالين يعيطوا على المرحوم الدور المصري، قوم إيه بقى ييجي واحد اسمه أيمن زين الدين بيشتغل مساعد وزير الخارجية المصري - هو لسة أحمد أبو الغيط ؟ - راح مجلس الشورى عشان يهدي النواب اللي قدموا طلبات يسألوا فيها عن مصير الأخ"الدور" .

مساعد وزير الخارجية المصري للشئون العربية أعلنها مدوية :" إن تصاعد دور قطر يأتي بتكليف من مصر" !

الدستور

أبو ريادة يعلن اعتزاله ويخرج من الملعب

Add new comment

زيادة الأسعار لرفع الأجور .. الأخ بيشتغل شيخ منصر ؟

asad — Mon, 2008/05/05 - 8:07pm

حبايبنا الحلوين..،

بعد العلاوة المباركة وتنفيض الشعب لإضراب 4 مايو

النهاردة خمسة مايو

والخبر من رويترز :

"اقترح الحزب الحاكم في مصر يوم الاثنين زيادات حادة في أسعار الوقود والسجائر ورسوم تراخيص السيارات لتغطية تكلفة زيادة اجور القطاع العام التي اقترحها الرئيس حسني مبارك الاسبوع الماضي"

حلاوتك يا أبو علاء !

والله عسل عسل عسل، مفيش بعد كدة، يخرب بيت الإبداع اللي يجبر وكالة محترمة زي رويترز تكتب كلام كدة

زيادة الأسعار لرفع الأجور ؟ زيادة الأسعار لرفع الأجور؟ هات يا رجب خمسة جنيه أعزمك ؟

حس الدعابة بجد مش معقول

قولها 3 مرات كدة :

زيادة الأسعار لرفع الأجور

بالشفا إن شاء الله

محطات البنزين بصدد وقف بيع البنزين والسولار لحين تطبيق الزيادات الجديدة، يعني وسائل المواصلات في طريقها للتوقف واللي عايز يروح يجيب جركن جاز للسواق ، أو يشتري حمار بلدي

البنزين 95 هيبقى بسعر 250 قرش

البنزين 92 بسعر 185 قرش

البنزين 90 بسعر 175 قرش.

السولار بتاع الميكروباصات بسعر 110 قرش بعد ما كان بـ 75

بالإضافة لزيادات في رسوم ترخيص السيارات وفرض إتاوة سنوية مقدارها 2% من قيمة السيارة للفئات الأعلى من 2000 cc ، و33% زيادة على أسعار السجائر المستوردة ، و10% للسجاير البلدي الخشب.

بس بصراحة الريس عداه العيب هو هيبجيب منين يعني احنا اللي طماعين ، وقال امبارح ان مفيش موارد "حقيقية" لتغطية العلاوة ؟ يبقى يعمل إيه ؟

يشوف موارد افتكاسات و اشتغالات

ونصب رسمي ع الشعب ابن اللي عمرها ما قالت لأ

حلاوتك يا راجل يا بركة

9 comments

عاش وشاف

asad — Sun, 2008/05/04 - 10:00am

للرئيس مبارك في عيد ميلاده:لا أبا لك فاسأمِ !

Add new comment

عاجل : أنباء عن تعرض الحاج لوعكة صحية

asad — Wed, 2007/05/16 - 10:00am

ورد إلينا من مصادر عليمه ببواطن الأمور أن الحاج محمد حسنى الشهير بأبو جمال، صاحب العزبة ومالكها قد تعرض لوعكة صحية شديدة نقل على أثرها إلى مستشفى كفر فنيخه ولم يعرف بعد إن كانت الوعكه ستقعده عن العمل ام لا، وقد أشارت مصادر فى مصلحة النقل العمومى أن الوريث قد حضر على عجل قاطعا شهر العسل بتاع جمصه ليكون إلى جوار والده المريض .

أبو علاء

1 comment

خد قرطاسك يا مدون !

asad — Sat, 2007/05/05 - 10:00am

طيب هي الداخلية قررت الاحتفال بطريقتها وضربت كرسي في الكلوب وجابت شوية عساكر ولواءات وبلطجية وفرق كاراتيه وعربيات إشي أمن مركزي على ترحيلات على مطافي على إسعاف !!, بس احنا قلنا الكلمتين اللي كنا عايزين نقولهم وحاولنا نعمل الواجب مع جيمي في فرحه .

وزي ما وعدناكم إن كل واحد من المشاركين هياخد القرطاس الرسمي للعزبة فيه ملبس وسوداني وبتاع ؛ اتفضلوا خدوه :