12 تعليقات

1.

alaa كتب/ت

أهوه ده اللي أنا كنت خايف منه.

أحب أقولك عزيزي صاحب المظاهرة أنها لو كانت ناجحة كان عمرها ما هتتحسبلك و كان هيظهر مليون صاحب للمظاهرة :-)

على العموم أشك أن الكلام ده يهمك ولا يأثر فيك، تجاهل الوش، زي ما قلتلك أنت عملت اللي عليك و زيادة.

alaa — July 9, 2006 @ 9:18 am
| Edit This
2.

GEMYHOoOD كتب/ت

و النبى يا علاء مش ناقصة علشان الواحد على أخره

لما كل واحد يشيل أيده من المسئولية

يبقى أمتى بقة هاتتحملوا مسئولية ؟؟؟
واحد عمل مبادرة و قال انا ماليش دعوة بقة ناس تيجى ما تجيش دى مش مشكلتى دى مشكلتهم هما
و النى أى تخريف دة الىل بيعمل حاجة لازم يكون متحمل مسئوليتها
و أظن علاء بيدافع عنك علشان هوه مشارك معاك فى المسئولية انه وضعلك
المبادرة فى الصفحة الاولى ... و دة اللى أداها مصداقية
و يا سيدى انت لما ضيفتنى انا ما اقرتش بخطأ ... لان انا ما اعرفش سيادتك اصلا علشان اقرر انت حضرت او ما حضرتش

و غلطتك مش موضوع انت حضرت او لا مش دى المشكلة المشكلة ان كل الناس قالت التوقيت و الحشد خاطىء
يعنى انا مش بشكك فى موضوع حضورك من عدمه الغلط كله فى كيفية التنظيم و انك تكون متحمل مسئولية حاجة انت دعيت ليها لكن كون انك تحول مسار الحديث و تخليه كلام على حضورك المظاهرة او لا
و اظن مدام منى قالت لى نفس الكلمة سالتنى اذا كنا نعرفك او لا و سالت اصلا مين صاحب المبادرة دى
انا رديت قلت انا اخدت مصداقية على المبادرة دى لما علاء حطها فى الصفحة الاولى
لكن يا علاء اللى يعمل حاجة و يقدم مبادرة لازم يكون قدها
و بيختم كلامه انه عافاكم الله من ان تكونوا اصحاب مبادرات
ماهو لو شغلنا مخنا شويه هانعرف ان مش اى حد يعمل مبادرة و يكلف الناس كلها سفر و مجهود و تعرضهم لخطر امنى
و بكدة ممكن نلاقى كل مدونة عاملة مبادرة و بعد كدة صاحبها يعتذر انها فشلت و تبقى موضة بقة

و كل المدونات تقضيها مبادرات و أعتزارات

يا اسد
لو انت بتقول انى غلطت فى حقك

فأنت غلطت فى حق الناس كلها بالمبادرة دى
و خلينا بقة عاقلين و نتحمل مسئولية شويه

GEMYHOoOD — July 9, 2006 @ 11:39 am
| Edit This
3.

bluerose كتب/ت

ليه توصينا اننا لا نكون اصحاب مبادرة؟؟؟؟؟؟؟
اللي حصل متوقع جدا , انا ماستغربتش ان الداخلية استعدت للمظاهرة
واحد رد عليك بطريقة مش هي و نسب لك فشل المظاهرة؟؟؟ ايه يعني
زي ما قال علاء : انت فعلا عملت اللي عليك

bluerose — July 9, 2006 @ 11:42 am
| Edit This
4.

محرز كتب/ت

على رأيك يا علاء
لو المظاهرة كانت نجحت ساعتها كانوا هيقولوا كفاية تكسر احدى محرمات الدولة بالتظاهر امام سفارة اسرائيل
وزغردي يا اللي منتيش غرمانة
بس مش مهم مين اللي هيتحسبلوا الموضوع، المهم ان الفكرة كانت تنجح

ولا يهمك يا اسد...محدش بيتعلم ببلاش يا راجل

محرز — July 9, 2006 @ 11:43 am
| Edit This
5.

alaa كتب/ت

شوف يا بوب، كل من تحمس للمظاهرة مسؤول مسؤولية مشتركة، كل من ساعد في الدعاية ليها مسئول برضه مسؤولية مشتركة، و كل من كان شايف خطأ في التنظيم و متكلمش أو محاولش يساعد برضه مسئول، مش أسد لوحده؟

حلو لحد كده؟ موضوع بقى معرفش ايه اداها مصداقية، ده كلام غريب، موقع منال و علاء عليه أجندة فعاليات مفتوحة لأي حد يضيف فيها، مبنسألش مين اللي أضاف الاعلان و لا مين اللي نظم، اللي عنده اعلان يقول و القارئ هو اللي يحكم و يقدر.

و بعدين أنت عايز ايه؟ الاعتراف بالخطأ؟ حصل و اعترفنا بس أنت مخدتش بالك، لكن أصلا الاعتراف بالخطأ مجرد كده غير مفيد بالمرة، الأفيد مناقشة ايه اللي كان ممكن يتم بشكل أفضل، مش مين مسئول و مين مش مسئول، أحنا مش بنعد سكور.

alaa — July 9, 2006 @ 1:06 pm
| Edit This
6.

amgad كتب/ت

The worst situation after something goes wrong is when the concerned parties engage in a blame game aiming to find one person guilty of the undesired event. In many situations, it is far more important to learn how to avoid the recurrence of an undesirable event than to single out one guilty person.

amgad — July 9, 2006 @ 9:23 pm
| Edit This
7.

GEMYHOoOD كتب/ت

الله ينور عليك يا عم علاء اهو الكلمتين الحلوين بتوعك دول هما اللى انا كنت عايز اوصلهم

و للاسف عم اسد فهم غلط انت وضحتهم بسهوله احنا المفروض نبحث بس الغلط كان فين و انا قلت قبل كدة ان كلنا متحملين المسئولية مش هوه لوحده ... هوه الىل حول مسار الحديث و خلاه مناقشة اذا كان حضر من عدمه

و على العموم خيرها فى غيرها

GEMYHOoOD — July 10, 2006 @ 8:26 am
| Edit This
8.

GEMYHOoOD كتب/ت

و ما تزعلش يا عم اسد لو كنت اتعصبت عليك شويه ماهو حقى بعد ما دماغى اتقورت من الشمس

لازم اطلع زهقى فى حد

و ما تزعلش يا جميل

ها مبسوط كدة ؟؟

GEMYHOoOD — July 10, 2006 @ 8:28 am
| Edit This
9.

asad كتب/ت

يا ابني أنا قلتلك في الإيميل إني مسامحك مقدما ومش زعلان بس إنت أصريت تتفزلك

و بعدين شمس إيه اللي بتتكلم عليها , هو أنا يعني رحت شايل تكييف فوق راسي ؟ و لا انت لوحدك اللي سافرت , ده أنا خارج من بيتنا تسعة الصبح عشان خاطر المظاهرة دي ـ

asad — July 10, 2006 @ 8:49 am
| Edit This
10.

GEMYHOoOD كتب/ت

ابنى ايه بس يا اسد دة انا اقل واجب اكبر منك بعشر سنين

و فزلكه ايه هوه انا كنت فاضى اصلا ارد عليك

اه فكرتنى الصور اللى انا صورتها اهيه

http://t5at5a.blogspot.com/2006/07/blog-post_10.html

GEMYHOoOD — July 10, 2006 @ 10:12 am
| Edit This
11.

GEMYHOoOD كتب/ت

و على العموم حصل خير لانى فعلا باتخنق من الكلام الكتير على حاجة فاتت

انا كل اللى زعلنى انك قلت انى بكلمك بتعالى و انا اصلا ما كنتش فاضى فعلا اتكلم و كنت باتكلم بصعوبة

GEMYHOoOD — July 10, 2006 @ 10:14 am
| Edit This
12.

alzaher كتب/ت

الى جميع المدونين
اظن اننا استغرقنا أكثر من اللازم في لوم بعضنا بعض والاعتذار لبعضنا البعض وهذا تماما مايريده منا النظام ولكن المهم ليس ما فات بل كيف نفعل دعوة التظاهر وانا اضم صوتي لصوت علاء فيجب ان نرى ماذا سنفعل لاحقا وبالنسبة لكفاية والاخوان فدعونا نتعلم من هذة التجربة ان نتحاور مع الشباب من أمثالنا وليس مع القيادات واتصور انه سيكون من الأفضل لنا جميعا ان يحضر اي شخص المظاهرة ممثلا لذاته فقط وليس لحزبه او حركته وفي النهاية أذكركم جميعا أن ما حدث كان متوقعا وليست اول ولا أخر مرة يحبط فيها الأمن مظاهرة ولكن تذكرو ا دائما ان الضربات التي لا تقسم ظهرك تقويك
وكما قلت سابقا مدونتي مفتوحة لأية مبادرات جديدة
أخوكم
عمرو

alzaher — July 10, 2006 @ 2:48 pm
| Edit This