7 تعليقات

1.

سلمى سعيد كتب/ت

أسعد , رأى أنه بعد اللى حصل أمبارح عند جامعة الدول لازم المظاهرة اللى عند السفارة يتحشدلها كويس و لازم ناس كتييير تشتغل فى الموضوع ده لأن دى خطوة لازم نكون مستعدينلها, أرجو تأجييل المظاهرة عشان كدة مينفعش أرجوك لو تقدر أتصل بى عن طريق الإيميل

سلمى سعيد — July 6, 2006 @ 3:10 pm
| Edit This
2.

asad كتب/ت

أهلاً سلمى

أنا عارف اللي حصل لكم امبارح , بس ده مش لازم يوقفنا ومش هيوقفنا

من إمتى بنلغي نشاط عشان الأمن ؟
جمدي قلبك يا سلمى ,ما تنسيش إن حكاية يتحشدلها دي مش مضمونة خالص , كفاية نفسها بقالها كام شهر شغالة في حدود مية وخمسين واحد وأديكي شفتي مظاهرة يوم الطالب ولا مظاهرات العبارة اللي كفاية فيها كانت خمستاشر نفر !ـ

الحل الوحيد إننا نصمم على اللي بنعمله ونركز في شغلنا ونتجاهل أي عوامل محبطة في الوقت ده , خصوصاً إن المظاهرة مش بتاعة والدي عشان ألغيها قبلها باقل من يوم

وأنا مش شايف أي سبب لإلغائها أصلاً .ـ

المهم اسحبي الدروبي وهاتيه معاكي بكرة

على فكرة اسمي أسد مش أسعد

asad — July 6, 2006 @ 5:00 pm
| Edit This
3.

ba7ebmasr كتب/ت

مش عارف ليه حاسس ان التواجدبكرة هيكون ضعيف و الامن هيتسلى بالاعداد القليلة المتواجدة
مش عايز اكون سلبى بس ياريت اللى هيقدر ييجى بكرة يكتب النهاردة هنا انه جاى علشان نحدد و لوعدد اولى
و عايزين نعرف لو كفاية او الاخوان او اى حزب هيكون متواجد معانا
حطيت خبر المظاهرة على كذا منتدى بس للاسف التفاعل كان ضئيل
انا مش مع الراى بتاع تأجيل المظاهرة لان فى ناس اكيد رتبت نفسها و لو اجلنا ممكن مايوصلهاش الخبر و يروحوا على الفاضى , بس انا شايف لو التواجد بكرة كان ضعيف يبقى مانطلعش بالمظاهرة و نقعد نتكلم مع اللى هييجوا ازاى نجمع عدد اكبر يوم الجمعة اللى بعده ووننظم الموضوع شوية

ba7ebmasr — July 6, 2006 @ 5:41 pm
| Edit This
4.

asad كتب/ت

احنا عملنا اللي علينا

دلوقتي كل واحد يشرب كوباية شاي ويروح ينام , التفاعل من عدمه هيتحدد بكرة ساعة المظاهرة

محاولة استنتاج حجم المشاركة من النت غير منطقية وغير صحيحة وأثبتت فشلها كتير .ـ

في مظاهرات أعددنا لها أكتر من شهر وكانت أقل من مظاهرات اتسلقت في يومين .ـ
ريحوا دماغكو خالص وكل واحد ييجي ويجيب اللي يقدر عليهم وبس .ـ

asad — July 6, 2006 @ 6:54 pm
| Edit This
5.

Yahya_Ayash كتب/ت

مش عارف أقول لكم إيه يا شباب أنا خارج مصر حاليا، لكن ياما شاركنا في مظاهرات من دي، كفاية ستة يرفعوا العلم ويهتفوا ويقولوا للناس يقفوا معاهم وان شاء الله هتلاقوا ناس تقف معاكم..
بخصوص الأمن وما شابه من الكائنات الضارة، فانا شايف انه لو محدش خاف وكل الناس اللي دعت للمظاهرة راحوا يبقى المظاهرة هاتتم، وربنا يوفقكم..

Yahya_Ayash — July 6, 2006 @ 7:02 pm
| Edit This
6.

asad كتب/ت

ادعيلنا يا يحيى
_________

أخبرني الأستاذ جورج اسحاق قبل قليل بأن الأمر قد عُرض عليهم في الاجتماع وأن الحركة لا تمانع و لا تتبنى الموضوع رسميا و تترك الأمر لخيار الأعضاء الشخصي .

كما رحب بوضع تنويه عن المظاهرة على موقع الحركة .ـ

أن تصل متأخراً خير من ألا تصل أبداً.ـ

asad — July 6, 2006 @ 8:19 pm
| Edit This
7.

salwa yosef كتب/ت

فلسطينية تفتخر بما تقرأ
وتتمنى لكم كل النجاح
للاسف حسني وغيره من اذناب شارون
مش شايفين الشعب ولا حاسين بمرارة عيشته

اخواني لو عايزين اي حاجه انا ممكن اساعدكم
يعني لو كنتم غايزين انشرلكم حاجات صعب تنشروها
انا مستعده اكون معكم

وبحب اديكم عنوان ايميا شاب فلسطيني
طبعا انا عارفه انه هيكون سعيد انه يساعد
لانه اصلا من مواليد مصر
وبيموت في تراب مصر
ومستعد انه يعمل كل حاجه
ولو كنتم عايزين يساعدكم مثلا بترجمة
اي حاجه من العربيه للعبريه او بالعكس مش هيقصر
تفضلو ايميله وراسلوه وحيشوفو منه العجب
hssane_99@hotmail.com
وعلى فكره هو كمان مشارك بمنتدى عمر خالد
ومنزل من يومين موضوع باسم

القدس الشريف والمسجد الاقصى بين يديك”ملف خطير كامل ومدعم باجمل الصور تفضلي ‏( 1 2)
عـاشق الاقصى
http://forum.amrkhaled.net/showthread.php?t=85892

salwa yosef — January 2, 2007 @ 6:02 am