51 تعليقات

1.

واحد كتب/ت

ايه ده؟؟
انا اول معلق
طيب ياريت الموضوع ياخد حجمه الطبيعي
انت عارف خطوة زي دي لازم لها حشد عشان تبقى فعالة وتسمع مع الصحافة والناس
ياريت الدعوة توصل لقيادات كفاية والاخوان عشان هم الأقدر على حشد الجماهير
انما احنا كمدونين مهتمين بالعمل العام عددنا قليل جدا لخطوة زي دي
ياريت ناخد الموضوع بعقلانية ونرتب له صح
حتى لو اضطرينا نأجل المعاد للجمعة اللي يعدها، بس المهم يبقى الحشد على قد الحدث
دي سفارة اسرااااااائيييييييييييل

واحد — July 2, 2006 @ 12:25 pm
| Edit This
2.

ba7ebmasr كتب/ت

انا شايف تكون يوم السبت علشان طلبة الجامعة يشاركوا فيها و اى حد يقدر ينزل من غير ما اهله يسألوه رايح فين و كده , و السبت اجازة دلوقتى لمعظم المصالح الحكومية فمش هنعطل مصالح ناس كتير
وياريت المدونين يحطوا اعلان عن الموضوع فى مدونتهم و انا هاعمل كده

ba7ebmasr — July 2, 2006 @ 2:56 pm
| Edit This
3.

alzaher كتب/ت

قمت بنشر الدعوة على مدونتي
http://asfoorelsharq.blogspot.com/

alzaher — July 2, 2006 @ 3:08 pm
| Edit This
4.

asad كتب/ت

والله يا إخوانا , واضح إن البداية ليست بالقوة المتوقعة , مش عارف ليه ؟

على الأقل ممكن الناس تدخل تعارض أو ترفض إنما الصمت الرهيب ده مينفعش .ـ

عموماً أعتقد لسة في كمية أمل كبيرة ممكن نشتغل عليها , في بداية من البدايات , يوم إعلان نتيجة انتخابات الرئاسة , كنا أربعة في ميدان طلعت حرب , خلال ساعتين كنا عشر آلاف !ـ

أنا لسة عندي أمل في حصول حاجة زي كدة , الموضوع هيستمر زي ما هو ماشي لمدة 24 ساعة كمان , يعني بعد منتصف ليل الاثنين لازم المعاد يتأجل لو الموضوع لم ينتشر بالشكل اللازم .ـ

بشكر الزملاء اللي حطوا الدعوة في مدوناتهم , بجد ده أسعدني جداً حتى لو موصلناش لحاجة في النهاية .ـ

لسة قدامنا وقت وياريت باقي الزملاء المدونين يعملوا حاجة ويقفوا وقفة رجالة .ـ

هحاول أكلم ابائنا الذين في قيادة كفاية والإخوان وربنا يقدم اللي فيه الخير .ـ

سؤال : ـ هل هناك طلبة يذهبون لجامعة القاهرة الآن , مش المفروض إن الامتحانات خلصت ؟

asad — July 2, 2006 @ 9:01 pm
| Edit This
5.

GHADATELKAMILIA كتب/ت

أنا كمان هنشره عندي في البلوج لعل وعسى

GHADATELKAMILIA — July 2, 2006 @ 10:45 pm
| Edit This
6.

واحد كتب/ت

ضرووووووووووري جدا ان الاخوان وكفاية يتبنوا الموضوع ده وإلا هيفشل
مش عشان احنا صغيرين ولا كتاكيت
بس عشان هم الأقدر على الحشد الاعلامي والجماهيري
وانا معاك فعلا في ان الموضوع ميت خلاص
فين علاء ومالك وعمرو عزت وبقية الناس؟؟؟
عرفوا عن الموضوع ولا لسة؟؟

واحد — July 2, 2006 @ 11:21 pm
| Edit This
7.

asad كتب/ت

فعلا لحد دلوقتي مفيش زخم كافي بس
الموضوع لسة ما مكملش 18 ساعة يا جماعة , يا ريت نصبر شوية قبل ما نصدر أحكام ممكن تحبط الناس.

ويا ريت اللي يعرف حد يقوله , واللي ليه سكة في حزب ولا حركة يكلمهم بحيث نحاصر الناس الميتة إكلينكياً دول ونصحيهم شوية .ـ

asad — July 2, 2006 @ 11:25 pm
| Edit This
8.

الحالمه بالحريه كتب/ت

انا قمت بنشر الدعوه عندي
واللينك الخاص بيها هنا
وان شاء الله هنحي يوم الاعتصاممن جديد

الحالمه بالحريه — July 2, 2006 @ 11:26 pm
| Edit This
9.

الحالمه بالحريه كتب/ت

انا نشرت الموضوع عندي واللينك الخاص بيه هنا
وان شاء الله هتنجح ونحي روح يوم الاعتصام

الحالمه بالحريه — July 2, 2006 @ 11:30 pm
| Edit This
10.

asad كتب/ت

أشكر جميع الزملاء الذين أظهروا دعمهم .ـ

بعد نشر الدعوة على الصفحة الرئيسية لمنال وعلاء , أتصور أن الأمر قد بدأ يأخذ مجراه الطبيعي , وسنتمكن – بإذن الله – من تنفيذ المهمة في موعدها المقترح يوم الجمعة .ـ

asad — July 3, 2006 @ 12:00 am
| Edit This
11.

da7ey كتب/ت

;gkg

da7ey — July 3, 2006 @ 12:08 am
| Edit This
12.

da7ey كتب/ت

كلنا نقول يارب كده وربنا يوفقنا جميعاً واللي يقدر ينشر اللينك ينشره وانا عن نفسي نشرته في مجلتي www.afkary.15x.com

da7ey — July 3, 2006 @ 12:09 am
| Edit This
13.

محمد السيد كتب/ت

انا معاكم وهأجل سفرى ,ان شاء الله هاصلى فى مسجد صلاح الدين امام كوبرى الجامعة وهفضل موجود فى شارع حديقة الحيوان اكيد الشارع هيبقى متلغم عساكر بس مش مهم
الى اللقاء فى يوم العزة والشرف الحمعة القادم ان شاء الله

محمد السيد — July 3, 2006 @ 6:58 am
| Edit This
14.

وليد نصر الدين كتب/ت

اريد ان اشكر منظم الحملة ،واود ان اشارك فيها

وليد نصر الدين — July 3, 2006 @ 7:37 am
| Edit This
15.

taghor كتب/ت

ana ma3ako begad

taghor — July 3, 2006 @ 8:01 am
| Edit This
16.

محمد السيد كتب/ت

عاوزين أحمد فؤاد نجم وكمال خليل وعاوزين نغنى اغنية الشيخ امام أصحى يامصر
اصحي يا مصر

اصحى يا مصر
اصحى يا مصر
هزى هلالك
هاتى النصر
كونى يا مصر وعيشي يا مصر
مدي اديكى
وطولى العصر
اصحي وكوني وعيشي يا مصر

اصحى يا عامل مصر يا مجدع
وافهم دورك
ف الوردية
مهما بتتعب
مهما بتصنع
تعبك رايح
للحراميه
جهدك عملك
رزق عبالك
عرقك مرقك
ولا يهنا لك
اصحى يا عا مل
غير حالك
صون المصنع
واصنع مصر
اصحى وكونى وعيشي يا مصر

اصحى يا زارع مصر الخضره
قدره وخضره
ونور وجمال
ابدر غيطك
واحمى البدره
ضد الافه
والاستغلال
ارضك عرضك
باب الدار
صبحوا مداسه
للسمسار
نعطش
ولانشربش عكار
وصفه قالوها الحكما يامصر
اصحى وكونى وعيشي يا مصر

واصحى يا جندى
يا تار الشهدا
عمى وخالك
اختى واخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت املنا فى يوم الصعب
اصحى يا جندى ودق الكعب
حرر مصر وطهر مصر
اصحى وكوني وعيشي يا مصر

محمد السيد — July 3, 2006 @ 8:34 am
| Edit This
17.

GEMYHOoOD كتب/ت

انا هانشر الدعوة عندى فى المدونة و أن كان ليا موقف من التظاهر ضد الدول فى دولتنا
و اطمنوا مش هايحصل حاجة من الامن لان الحكومة عايزة تظهر بمظهر
الحارس الامين للوطن العربى و التظاهر دة هايدعم الموقف دة جدا
و الا ما كانش شخصية زى محمود سعد دعى للتظاهر ضد اسرائيل
على العموم انا هانشر الدعوة و هاحضر التظاهر لاثبات شىء ما فى داخلى

GEMYHOoOD — July 3, 2006 @ 9:28 am
| Edit This
18.

asad كتب/ت

بعض الزملاء بيسألوا عن ما سنكتبه في اللوحات وما سنرفعه من شعارات , وما إذا كنا سنهتف لحماس أو لفلسطين فقط ؟

أنا شايف إن من المستحيل قولبة مظاهرة زي دي , كل واحد جاي وعنده منطلق معين ,

إذا حاولنا دلوقتي نحكم العملية مش هنحل المشكلة ,

في كل الأحوال حد هيخرج عن الاتفاق وتحصل خناقة معاه , لذلك الأفضل من وجهة نظري ميكونش فيه اتفاق من أصله .
ده طبعاً لأن المشاركين مبيعبروش عن حزب أو حركة أو جماعة حتى نلزمهم بنمط معين .

احنا رايحين نتظاهر لفلسطين , اللي عايز يهتف بأي شكل أو يرفع أي حاجة يتفضل , واللي مش عاجبه يمتنع عن التفاعل
ونحترم بعض في النهاية , ونحاول بقدر الإمكان نيجي على نفسنا ونستخدم خطاب يرضي جميع الأطراف .ـ

asad — July 3, 2006 @ 4:21 pm
| Edit This
19.

gananoor كتب/ت

فكره حلوه بجد بس ياريت يبقى فيه كود لصورة الحمله عشان نحطه فى المدونه بدل مانعمله كاموضوع ولو هو موجود فعلا ياريت تحدده مكانه

gananoor — July 3, 2006 @ 4:49 pm
| Edit This
20.

شاب اسكندرانى كتب/ت

انا كمان مشارك معاكم فى هذة الوقفة الاحتجاجية وقد وضعت البانر بمدونتى وشكرا لكم

شاب اسكندرانى — July 3, 2006 @ 6:53 pm
| Edit This
21.

shaimaa كتب/ت

نشرت الموضوع يا اسد خلاص
وانا جايه باذن الله

shaimaa — July 3, 2006 @ 8:05 pm
| Edit This
22.

الفارس المصري كتب/ت

بحييك يا اسد انت واللي معاك
وانا نشرت البانر بتاعك في البلوج بتاعي (الفارس المصري(http://egyknight.blogspot.com/

الفارس المصري — July 3, 2006 @ 10:40 pm
| Edit This
23.

واحد كتب/ت

هي كفاية لسة معرفتش؟؟؟
مش شايف اي اعلان عن الموضوع على موقعهم
ايه العمل؟
احنا عددنا لسة قليل

واحد — July 4, 2006 @ 12:10 am
| Edit This
24.

hamdy كتب/ت

انا جاااااااااااااااااااااااااااااااااااااااااااااااااااى

hamdy — July 4, 2006 @ 12:44 am
| Edit This
25.

Anonymous كتب/ت

لاسد
انت مستعد تهتف فى مظاهرة مرفوع فيها “لا اله الا الله اليهود اعداء الله” ؟ مش لازم يبقى فى اتفاق كامل على الشعارات بس يبقى واضح ايه الاساس اللى الناس هتروح عليه

Anonymous — July 4, 2006 @ 2:18 am
| Edit This
26.

asad كتب/ت

أفضل أحتفظ باستعدادي من عدمه لنفسي عشان بحاول أبقى على الحياد على الأقل لحد ما الموضوع يخلص .ـ
من خلال تجارب مظاهرات كتير , مستحيل يحصل التزام بأي قواعد مسبقة , أبسط حاجة
مواطن صالح هيتفاعل معاك في الشارع ويدخل علخط.ـ

علشان كدة في خيارين , لو قلنا دلوقتي محدش يقول الهتاف الفلاني,
هييجي واحد ويقوله , وهتكون سيادتك أو حد غيرك عارف إن ده ممنوع فهتسكته وهيتخانق معاك .

الخيار التاني إننا ما نحطش أي قواعد مكتوبة , وهييجي حد يقول هتاف مش عاجبك فمش هتهتف وراه وخلاص أحسن ما تحصل خناقة !ـ

asad — July 4, 2006 @ 2:59 am
| Edit This
27.

ميت كتب/ت

يا أهل الخير ياريت يكون التخطيط صح
وفد من الناس يروح للإخوان ويتفق معاهم إنهم يحشدوا ووفد يروح لكفايه
وعلي العموم أنا هقول لعمنا عبد القدوس النهارده هوه وعم كمال خليل
وهقول في مؤتمر كفايه عن الموضوع ده
وبعدين فيه دلوقتي تجمع إسمه “تجمع القوي الوطنيه من أجل فلسطين ” ياريت حد يحاول يتصل بيه
وعلي العموم أنا وضعت البانر عند وهبعت رسائل للناس اليوم وهشوف بعض من المسؤولين عن طلاب الإخوان في جامعه القاهره وعين شمس اليوم وراح أقولهم
سلام

ميت — July 4, 2006 @ 8:23 am
| Edit This
28.

ahmed hussein كتب/ت

لا بد ايضا من وقفات في جميع محافظات مصر

وليس القاهرة فقط

ahmed hussein — July 4, 2006 @ 9:14 am
| Edit This
29.

باسم عبد الحليم كتب/ت

أنا جاى ان شاء الله .. على العموم مش مهم أوى عدد اللى هايشاركوا .. أنا بادور على أستمرارية.. بمعنى أن كل أول جمعة من كل شهر – ع الأقل – يبقى فيه وقفة أحتجاجية أمام سفارة الصهاينه .. بس أنتوا تيجوا بس

باسم عبد الحليم — July 4, 2006 @ 3:12 pm
| Edit This
30.

باسم عبد الحليم كتب/ت

أنا جاى ان شاء الله .. على العموم مش مهم أوى عدد اللى هايشاركوا .. أنا بادور على أستمرارية.. بمعنى أن كل أول جمعة من كل شهر – ع الأقل – يبقى فيه وقفة أحتجاجية أمام سفارة الصهاينه .. بس أنتوا تيجوا بس

باسم عبد الحليم — July 4, 2006 @ 3:21 pm
| Edit This
31.

asad كتب/ت

نؤكد للزميل العزيز وائل عباس صاحب مدونة الوعي المصري والمتحدث الرسمي باسم المدونين , أن أحداً لم يدع مشاركة مدونته في التنظيم حتى ينفي ذلك .ـ

محدش جاب سيرتك يا عم وائل .ـ

asad — July 4, 2006 @ 4:40 pm
| Edit This
32.

م. محمد إلهامى كتب/ت

معكم إن شاء الله ، وتم نشر الموضوع على مدونتى

م. محمد إلهامى — July 4, 2006 @ 10:52 pm
| Edit This
33.

محمد حبيب كتب/ت

تم نشره في مجتمع المدونين المصريين
http://www.egyblogs.com

محمد حبيب — July 4, 2006 @ 11:50 pm
| Edit This
34.

asad كتب/ت

أشكركم جميعاً , تمت إضافة جميع المدونات التي نجحت في ملاحظتها
إلى قائمة المدونات المشاركة, أرجو ممن يضيف الدعوة ألا يبخل علينا بإشارة هنا .ـ

asad — July 5, 2006 @ 12:24 am
| Edit This
35.

youssef كتب/ت

ya gama3a lazem nero7 ento shofto el bent elly 3eltah matet ...lazem ne3mel 7aga we a3taked en el7okoma mesh hatedrab el marra dy

youssef — July 5, 2006 @ 3:39 pm
| Edit This
36.

Anonymous كتب/ت

ربنا يكرمكم ان شاء الله و يعزكم وان شاء الله تكون لهذه المسيره نتيجه , انا حاليا بنشر هذه الفكره فى المنتديات و علينا كلنا ان نصلى ركعتين لله يوميا بنية ان يوفقنا الله

Anonymous — July 5, 2006 @ 10:15 pm
| Edit This
37.

ندى القصاص كتب/ت

سلاما وتحية لكم جميعا...مش قادرة اوصف لكم سعادتى بهذه الدعوة وبهذا الحوار، حأحاول أكون معكم لكن مش قادرة اوعد الحقيقة، سامحونى. وياريت متحسبوهاش بانكم صغيرين فى السن او فى العدد، لان الأهم انتوا قد ايه مؤمنين باللى بتعملوه، وأد ايه مؤمنين بنفسكم وقدراتكم، حتى لو كان من باب التجربة وتتعلموا منها..مش عيب ومش غلط..جربوا واغلطوا واتعلموا من ده، كل الاجيال اللى سبقتكم علموا كده، واوعوا تستنوا حد كبير ياخد بأيدكم...متسمعوش كلام الكبار...لو كانوا عارفين يحسبوها صح مكنش ده يبقى حالنا.
وعلى العموم فيه اجتماع لكل القوى الوطنية من اجل فلسطين يوم الخميس الجاى فى مقر كفاية او مركزمصرللدراسات الساعة 7 مساءا روحوا احضروا واطرحوا الفكرة عليهم وناقشوها معهم، وفى الاخر انتوا اصحاب الدعوة والقرار.
ربنا يخليكم لنا ويزيدكم ثبات وايمان

ندى القصاص — July 6, 2006 @ 1:15 am
| Edit This
38.

asad كتب/ت

أنا فرحت قوي يا أستاذة أول ما شفت اسمك , وفرحت أكتر لما قريت كلامك , بجد دي حاجة أسعدتني جداً , وانتي فعلاً معانا حتى لو ما جيتيش .ـ

asad — July 6, 2006 @ 2:27 am
| Edit This
39.

asad كتب/ت

يا ريت حد من الزملا يتبرع ويروح مقر كفاية في شارع 26 يوليو ويكلم الناس , لأني مش في القاهرة النهاردة .ـ

asad — July 6, 2006 @ 4:18 am
| Edit This
40.

alzaher كتب/ت

انا هأروح اجتماع كفاية باذن الله واطرح الموضوع بالاضافة الى ان ارسلت رسالة بالموضوع الى أ.جورج اسحق بس الخوف كله من انهم يرفضوا الفكرة

alzaher — July 6, 2006 @ 1:06 pm
| Edit This
41.

واحد كتب/ت

ياريت اي حد يعرف نتيجة الاجتماع يقولنا على طول
يارب الموضوع ينجح

واحد — July 6, 2006 @ 3:20 pm
| Edit This
42.

asad كتب/ت

جدع يا زاهر

يا ريت تقولنا وصلت معاهم لإيه

واطمن مفيش خوف ولا حاجة حتى لو رفضوا

المتوقع إنهم يرفضوا احنا بس بنعمل اللي علينا ولو شدينا حيلنا هننجح بيهم ومن غيرهم

asad — July 6, 2006 @ 5:20 pm
| Edit This
43.

asad كتب/ت

أخبرني الأستاذ جورج اسحاق قبل قليل بأن الأمر قد عُرض عليهم في الاجتماع وأن الحركة لا تمانع و لا تتبنى الموضوع رسميا و تترك الأمر لخيار الأعضاء الشخصي .

كما رحب بوضع تنويه عن المظاهرة على موقع الحركة .ـ

أن تصل متأخراً خير من ألا تصل أبداً.ـ

asad — July 6, 2006 @ 8:16 pm
| Edit This
44.

MaLek كتب/ت

الموضوع تمت اضافته لموقع كفايه الرسمي
http://harakamasria.org/node/6618

MaLek — July 6, 2006 @ 8:24 pm
| Edit This
45.

asad كتب/ت

أنا مش شايف الإعلان على الرئيسية يا مالك , إنت مخبيه ولا إيه ؟

asad — July 6, 2006 @ 8:41 pm
| Edit This
46.

asad كتب/ت

أيوة كدة , دلوقتي تمام .ـ

asad — July 6, 2006 @ 9:48 pm
| Edit This
47.

محرز كتب/ت

انا روحت ملقتش ولا مخلوق
مكانش في غيري انا وزميلة ليا والدكتورة ليلي سويف و واحدة صاحبتها
مشوفناش حد تاني خااااااااااااااااااالص
فضلنا لحد 3 وتلت تقريبا...وبعد كده دكتورة ليلي قالت لنا خلاص امشوا ..فمشينا
فين الناس بقى!!
الموضوع مترتبش صح...وكان لازم نستنى لجمعة تانية عشان نرتب له...اللي حصل ده مهزلة بصراحة

محرز — July 7, 2006 @ 2:42 pm
| Edit This
48.

صبري كتب/ت

ربنا يوفقك يا أسعد، أو أسد، على مبادراتك ودعواتك .. وكمان على مدونتك وصورها الجميلة الحزينة.. طول ما فيه أمثالك يبقى مصر بخير.

صبري — July 7, 2006 @ 3:06 pm
| Edit This
49.

وائل عباس كتب/ت

الأخ أسد أنا لست المتحدث الرسمي بإسم المدونين ولم أدعو لشيء بإسم المدونين كما فعلت أنت ولكن أنا فقط قلت رأيي وتحدثت بإسم موقع الوعي المصري وبينت وجهة نظره وموقفه وأعتقد إن ده ما يزعلش حد ولا يخلي حد يتريق والمدونين مافيهمش متحدث رسمي ولا متحدث إعلامي ولا منسق ولا بطيخ ولو حد زعم ذلك أنا أول واحد أحط صباعي في عينيه

وائل عباس — July 8, 2006 @ 6:41 pm
| Edit This
50.

asad كتب/ت

أهلا بالزميل وائل عباس

بص ياباشا
أنا متكلمتش خالص باسم المدونين , ومقلتش إن دي مظاهرة ” المدونين المصريين” ـ

ده إكليشيه جاهز بيستخدم لما الدعوة تبدأ من النت , زي ما حصل في اعتصام التحرير مثلا

حضرتك طبعاً من حقك توضح موقفك وتعلن رأيك في المظاهرة اللي فشلت , بس إنت استخدمت صيغة ” الوعي المصري ليس لها علاقة بالمظاهرة ” وده يوحي بإن حد إدعى إن الوعي المصري مشاركة فانت بتنفي

حقك عليا إذا كان موضوع المتحدث الرسمي زعلك , أنا شخصياً مستعد أرشحك للمنصب ده لو عملنا انتخابات في يوم من الأيام!ـ

asad — July 9, 2006 @ 12:29 am
| Edit This