عمر الهادي ..صحفي مصري وُلد في ولاية مبارك الثانية.
إتحاف أهل الآفاق بما في صحائف حسني من النفاق
asad — Sun, 2006/08/13 - 10:00am
تابعنا جميعاً أزمة العدوان الصهيوني على لبنان , وتناولتها جميع وسائل الإعلام العربية والعالمية , وشهدت هذه الحرب أحداثاً محورية اُفردت لها صفحات الصحف وساعات طويلة من البث التليفزيوني .ـ
حزب الله يختطف جنديين لمبادلتهم بالأسرى , عشرات الغارات الجوية على لبنان كل يوم , مئات الشهداء في مجازر بشعة , المقاومة تمطر شمال " إسرائيل " بآلاف الصواريخ وتدمر بارجة حربية وعشرات الدبابات , حسن نصر الله يهدد وأولمرت يتوعد , اشتباكات و اقتحامات وانسحابات وعمليات وعمليات مضادة , مأساة وهيصة كبيرة .ـ
ولكن الصحف القومية - الحكومية سابقا - صحافة حسني حالياً , لم ترَ في هذا الحدث الجلل إلا أبو علاء وحكمة أبو علاء واتصالات أبو علاء وصوت العقل الذي يمثله أبو علاء و **** أم أبو علاء .ـ
أعرف طبعاً أن معظمكم - وأنا معكم - لا تقرأون صحافة حسني لاعتبارات صحية وأخلاقية , إلا أنني اصطدمت ببعض عناوينها عند بائع الصحف , و الحمد لله ربنا ستر .ـ
حاولتُ أن آتي هنا بالمانشيتات الرئيسية لصحف حسني الرئيسية الثلاث , ولم أفلح إلا في جمع مانشيتات الجمهورية و مانشيت واحد من الأخبار , نظراً لأن البهايم بتوع الأهرام والأخبار مانعين الاطلاع على الأرشيف إلا باستخدام رقم معين , مين فهمهم إن لسة فيه حد بيستخدم
؟ Dial Up
المهم دي المانشيتات الرئيسية للصفحة الأولى بالجمهورية خلال الأزمة , والصحف الأخرى لا تقل قذارة بل بها أشياء من عينة : " مبارك حامي حمى الأمة " !ـ
بعد أن تقرأ المانشيتات تستطيع الاشتراك في المسابقة
هل يرجع الاهتمام بـ"مبارك" في تغطية الأزمة اللبنانية إلى أن مبارك هو الاسم الحركي لـ :ـ
حسن نصر الله
إيهود أولمرت
الصراع العربي الإسرائيلي
اللهو الخفي
البتاع ده
وللفائز جائزة قيمة هي اشتراك لمدة شهر في روز اليوسف اليومية + أدوية للصرع .ـ
أحداث قادمة
لافتات
4 تعليقات 1. BooDy
asad — Sat, 2008/03/29 - 12:41am4 تعليقات
1.
BooDy كتب/ت
الله اكبر. عاش حامي الحما و مروض الأسود و اللي يعدي البحر ولا يتبلش و العجل في بطن امه حسني مبارك
بس انا متهيأ لي يعني ان ال..... ايوه افتكرته البتاع ده اللي اسمه الشعب ظالم القائد المجاهد المؤمن أبو حسني الأنصاري رفع الله كعبه و بيض وجهه
بمناسبة الجرايد المباركيه انا من فتره عاوز نبدأ حملة توعيه لكذب الجرايد المباركيه و ندعو البتاع ده لمقاطعة الجرائد المباركيه. ايه رأيك با أسد؟
BooDy — August 13, 2006 @ 10:04 am
| Edit This
2.
asad كتب/ت
هتخليني أشك فيك ليه يا بودي ؟
شوف يا سيدي
البتاع ده مقاطع صحافة حسني بشكل فطري وبديهي ده غير تعليمات الدكاترة
أما الشواذ اللي بيشتروا الجرايد دي فلا هم من البتاع ده ولا نعرفهم
كفاية افتراء بالباطل على البتاع ده
asad — August 14, 2006 @ 8:25 am
| Edit This
3.
BooDy كتب/ت
لا معلش انا احتج
مش كل البتاع ده مقاطع جرايد حسحس. امال الجرايد اللي بتخلص من عند البياعين دي مين اللي بيشتريها. مش معقول البلد مليانه للدرجه دي ناس مهماش من البتاع ده ولا ايه؟
BooDy — August 15, 2006 @ 9:25 am
| Edit This
4.
asad كتب/ت
واضح إنك مش مدرك وغير مقدر الظروف والملابسات والطبيعة التاريخية للبتاع ده
أولا البتاع ده كبير أوي حاجة وسبعين مليون , يعني مفيش مشكلة لو صحافة حسني وزعت مليون نسخة بالكتير أوي
ثانيا البتاع ده مازوخي , بيحب يعذب نفسه وينتقم منها فممكن تلاقي ناس بتشتري جرايد حسني على سبيل جلد الذات
ثالثا البتاع ده بيكره النظام كره العمى والجرايد دي معبرة عن النظام وتمثله , لذلك شريحة كبيرة من قراء صحافة حسني بيشتروها باعتبارها وجه للنظام وبيحاولوا يخلصوا جزء من حقهم عن طريقها , بيطفوا في ورقها السجاير أو يستخدموها لأغراض النظافة الشخصية مثلا ولا سيما إن فيها صور كتير لأبو علاء
asad — August 15, 2006 @ 7:28 pm
Post new comment